COMPTABILITÉ

Macnin

Numéro d'objet:	9597
Date:	1900
Genre:	Feuille volante
Lieu:	Mogador - Essaouira
Sujet:	Economie / Commerce

Recherche dans "Notes":

9976_1
אנא כלאקת פצוירא 23 תמוז 5628 1868
חיים כאי כלאק 9 תשרי 5632
אנא זווזת מעא זמול קורקוס 4 אדר 5655
חיים כאי זווז מעא תיתי פרראתסי
עאם 1887 רזעת פסקוילא דלינגליס ענד סי' דזודא דהאן וכונת נקרא פלפוקאת חתי לקראייא דליהוד ענד רבי יוסף כהן נץ נהאר ונץ נהאר פסקוילא דלינגליז פאפוקי תאני.
סקוילא כאנית פדרב פאס נהייא לפוסטא ליום דאר נומירו עלא ליד ליזאר. חית ואחד אוסווא מנורא מא נזבאדת מן סקוילא באס נמסי לדארנא אוצלת חתא לקדאם דאר ברום ורית בנאדם כטיר ואקף קדאם דאר ברום תא יכסרו לעאב דלכיל לאין דאך נהאר כאן לעיד דלמסלמין וזאוו לקייאד די ברדא חאחא וצייאדמא ולכיל כטאר וכאנו ילעבו פלמצווה די הוסאו למודע פאס תא יוקפליס לקאר די c t m ומן זיהא לוכרא קדאם ואקפין תא יתפררזו פלעאב דלכיל ואנא חית מאזאל סגיר מא עארפת סי באין לכיל כאנו ילעבו מן סיבררל באב דלמרצא חתא לבאב די לוזהו דלחדאדאש ואנא אוקפת תא נפזר

9976_2
וזית באס נדוז לזיהא לוכרא לזיהת לבאב די קדאם צללת קורייאט וכיף אוצלת לוצט מא רית סי באיין לעלפא דלכיל זאייא ומנוראהא 3 אוו 4 דלעלפאת אוכרין ותמא טייחוני לכיל וגאזו עלייא ודפסוני או לאחוני קדאם ואחד סארוז די כאן תמא לוזה דרב נסים אפרייאט ואנא מא תלית עקלת עלא ראצי כטר ודפסוני פלגוף דייאלי כאמל ודמאייאת תא יזריו מן לחמי כאמל ראצי כאנת מתקובא אורזלייא או וזהי ודם תא יזרי מן כול מודע ואנא גאיב ומא תלית עקלת עלא ראצי והאדסי גיר די עאודולי חית ברית ודגייא רפדני ואחד לחמאל יסמו ן' עזרא פוצט סללאדייתל ואנא כאמל דמייאתי וחאסב סווית וזאבוני לדאר וציפדו עלא טביב פראנסיס [מילה בצרפתית] וכיף זא טביב וראני האגדאך סוא עארף מנאיין ידייא מעווזין וראצי אוזהי מתקובין ודמאייאת תא ינזלו מן כול טרף די גופי וטביב בקא האדיך לעסווא כאמלא מעאנא זגיר תא יכמם והוא עארף

9976_3
מנאין יבדא והאגדאך בקית חאסב מיית חתא לאגדא פלעסייא או טביב מאסי זאי וגיר תא יכזר פייא ומא עארף מנאין יבדא לאיין כונת כאמל מדגדג וגיר נחס הווא די בקא פייא נהאר תאני פלעסייא חית ראוני האכדאך וחתא פממי כאן מרבוט ומא קדרו סי יחללוה חתא לכבר וקבדו ואחד סארות קבירא ועמלוהא באין סנאני והזו סנאן לפוקיין בלפורסא וכיף חללו פמי בדא דם ינזבאד חתא תעמרו זוז דזלאיף ודיך סאעה חית ראוו דם כטיר עאד בזעו וכממו באיין מוחאל נעיס ודגייא בזעו עלא טביב וכיף זא ורא קד האדאך דדם עאד קאלהום מא כאיין באס והאדאך דם די סייבת הווא דם די כאן נזאל מן זראחי כאמלין די כאנו פלחמי וכונת נבלעו ודאבא עאד סייבתו ודיך סאעה חללת עינייא ותא נגווט בטארק ורפדוני לקאטרי ועאד בדא טביב יקלבני טרף בטרף וגבאני בדוואית ועאד עקלת עלא ראצי וטביב זאב ואחד למידא ועמרהא ברהוט דדוואייאת די כול טרף די לחמי דדהין ודצריב ובקית האכדאך קריב עאם פלפראץ חתא ברית וש"ל די בקית עאיס הודו לה' כי טוב כי לעולם חסדו ומן האד סי יעארף לואחד באין לעמר הווא די תא יקתל ודי בקאלו לעמר בעד מן ידוזו עליה בעד מן האד סי יבקא עאיס

וזית באס נדוז לזיהא לוכרא לזיהת לבאב די קדאם צללת קורייאט וכיף אוצלת לוצט מא רית סי באיין לעלפא דלכיל זאייא ומנוראהא 3 אוו 4 דלעלפאת אוכרין ותמא טייחוני לכיל וגאזו עלייא ודפסוני או לאחוני קדאם ואחד סארוז די כאן תמא לוזה דרב נסים אפרייאט ואנא מא תלית עקלת עלא ראצי כטר ודפסוני פלגוף דייאלי כאמל ודמאייאת תא יזריו מן לחמי כאמל ראצי כאנת מתקובא אורזלייא או וזהי ודם תא יזרי מן כול מודע ואנא גאיב ומא תלית עקלת עלא ראצי והאדסי גיר די עאודולי חית ברית ודגייא רפדני ואחד לחמאל יסמו ן' עזרא פוצט סללאדייתל ואנא כאמל דמייאתי וחאסב סווית וזאבוני לדאר וציפדו עלא טביב פראנסיס [מילה בצרפתית] וכיף זא טביב וראני האגדאך סוא עארף מנאיין ידייא מעווזין וראצי אוזהי מתקובין ודמאייאת תא ינזלו מן כול טרף די גופי וטביב בקא האדיך לעסווא כאמלא מעאנא זגיר תא יכמם והוא עארף

"Archives Samuel Levy-Corcos".
Daniel Schroeter
The Sultan's Jew